સાણંદમાં ઘર આગળ પાર્ક કરેલા વધુ 1 બાઇકની તસ્કરી
સાણંદ શહેર અને તાલુકા ફરી વાહન તસ્કરીની ઘટનાઓ બનવા લાગી છે સાણંદના નળ સરોવર રોડ પરના હાઉસિંગ બોર્ડમાં ઘરની સામે પાર્ક કરેલ બાઇકની તસ્કરીની ઘટના સામે આવી છે. અગાઉ સાણંદના ઘોડાગાડી પાસે કોમ્પ્લેક્ષ બહાર પાર્ક કરેલ રૂ.55 હજારનું બાઇક તસ્કરી થવા પામી છે. ત્યારે ફરી બાઇક તસ્કરીની ઘટના બનતા શહેરીજનો ચિંતિત બન્યા છે સાથે રાત્રિના અરસામાં પોલીસ પેટ્રોલિંગ વધારવા માંગ કરાઇ છે. સાણંદના નળ સરોવર રોડ ઉપર આવેલ ગુજરાત હાઉસિંગ બોર્ડ ખાતે ભાડાના મકાનમાં રહેતા રાહુલભાઈ નટુભાઈ રાઠોડ સાણંદની ખાનગી કંપનીમાં એકાઉન્ટટ તરીકે નોકરી કરે છે.સાંજના અરસામાં નોકરીથી પીઆરટી આવી રાહુલભાઈએ તેઓનું બાઇક ઘરની સામે પાર્ક કર્યું હતું. બીજા દિવસે સવારના અરસામાં નોકરી જવા નીકળતા બાઇક જોવા મળેલ નહીં જેથી આજુબાજુમાં તપાસ કરતાં મળી આવેલ નહીં. રાત્રિના અરસામાં રૂ.25 હજારની કિંમતનું બાઇક કોઈ અજાણ્યો તસ્કર તસ્કરી કરી રફુચક્કર થઈ જતાં સમગ્ર ઘટના અંગે રાહુલભાઈ રાઠોડે સાણંદ પોલીસમાં ફરિયાદ કરતાં પોલીસે અજાણ્યા તસ્કર વિરુદ્ધ ગુનો દાખલ કર્યો છે.
