જામનગર શહેર અને સિકકામાં જુગારના દરોડામાં 10 ઇસમો પકડાયા
જામનગર શહેર અને સિકકામાં જુગારના બે દરોડામાં પોલીસે 10 ઇસમોને 15 હજાર ઉપરાંતની રોકડ સાથે ઝડપી પાડી ગુનો નોંધ્યો કર્યો છે, જયારે બે ઇસમો દરોડામાં નાસી છુટવામાં સફળ થયા હતાં. શહેરના નાગનાથ ગેઇટ પાસે આવેલા મહેશ્વરી વાસના ચોકમાં ઘોડીપાસા વડે જુગાર રમતા ફિરોઝ ઉર્ફે કડો કાસમ કુરેશી, નુરમામદ ઉર્ફે મામુ ઓસમાણ બ્લોચ, દેવા રાણા મયડા અને વીરા બાના ગડણને પોલીસે રોકડ રૂ.10,500 તથા ઘોડીપાસની જોડી સાથે ઝડપી પાડી ધોરણસરની તપાસ હાથ ધરી હતી. બીજા દરોડામાં સિકકા ગામે સ્ટ્રીટ લાઇટના અજવાળે તીનપતીનો જુગાર રમી રહેલા યાસીન અલી હુંદડા, ઇમરાન અબ્બાસ ખેડુ, મુસ્તાક તાલબ હુંદડા, ઇબ્રાહીમ સાલેમામદ હુંદડા, હુશેન જુનસ નેપાણી અને અકબર સાલેમામદ હુંદડાને પોલીસે રોકડ રૂ.5,340 સાથે ઝડપી પાડયા હતાં. જયારે 2 ઇસમો આ જુગારના દરોડા દરમિયાન નાશી ગયા હતાં.પોલીસે આગળની તજવીજ હાથ ધરી છે.
