જામનગર શહેરમાંથી બાઈકની તસ્કરી કરનાર ઈસમને એલસીબીએ ઝડપી પાડ્યો

જામનગર શહેરના શક્તિનગર પાસે મનીષ પરમાર નામના યુવાને તેનું રૂ.20 હજારની કિંમતનું જીજે-10-એકયુ-4779 નંબરનું સ્પ્લેન્ડર બાઈક પાર્ક કર્યુ હતું. આ બાઈક ગત તા.2 જાન્યુઆરીના  તસ્કરી થયું હોવાની ફરિયાદ નોંધવામાં આવી હતી. ત્યારે એલસીબીના ઘનશ્યામ ડેરવાળીયા તથા સુરેશ માલકીયાને આ બાઈક તસ્કરી અંગે સંયુકત મળેલી બાતમીના આધારે ઈન્ચાર્જ પોલીસવડા નિતેશ પાંડેયની સૂચનાથી એલસીબી પીઆઈ એસ.એસ. નિનામાના માર્ગદર્શન હેઠળ પીએસઆઈ બી.એમ. દેવમુરારી, કે.કે. ગોહિલ, આર.બી. ગોજિયા તથા સ્ટાફના સહિતના સ્ટાફે બેડી પુલ પાસેથી સદામ અનવર સાઇચા નામના ઈસમને ઝડપી પાડ્યો હતો. તેમજ તેની પાસેથી પોલીસે જીજે-10- એકયુ-4779 નંબરનું ચોરાઉ બાઇક જપ્ત કરી એલસીબીની ટીમે બાઈક ચોરની અટક કરી હતી. પોલીસે હાલ આગળની તપાસ હાથ ધરી હતી.