બોટાદનાં હિફલીમાંથી ક્રિકેટ મેચ પર ઓનલાઇન જુગાર રમતા 2 આરોપીઓ ઝડપાયા

બોટાદની લોકલ ક્રાઈમ બ્રાન્ચ પોલીસને ક્રિકેટ મેચ ઉપર ઓનલાઈન જુગાર રમાતો હોવાની પૂર્વ બાતમીના આધારે બોટાદની હિફ્લીમાં આવેલી મહાજનની વાડીમાંથી બે આરોપીઓને રૂ.14,790ના મુદ્દામાલ સાથે ઝડપી પાડી કાયદેસરની કાર્યવાહી હાથ ધરી છે.

પોલીસ સુત્રો દ્વારા મળતી માહિતી મુજબ બોટાદ લોકલ ક્રાઈમ બ્રાન્ચ પોલીસ સ્ટાફના બળદેવસિંહ લીબોલા, વનરાજભાઈ બોરીચા, બળભદ્રસિંહ ગોહિલ, પરાક્રમસિંહ ઝાલા વગેરે પેટ્રોલિંગમાં હતા તે દરમિયાન મળેલી બાતમીના આધારે સાંજે 5.25 કલાકે ઝાલા નાઓએ બોટાદ હિફ્લીમાં રેડ પાડી નાગર મોહનભાઈ શેખ રહે. ખસરોડ બોટાદ, જયેશ ધીરૂભાઈ બેરાણી રહે. બારોડ શેરી બોટાદને રૂ.14,790નાં મુદામાલ સાથે ઝડપી પાડયા  હતા.

જ્યારે વિમલ રામસિંગભાઈ ચૌહાણ રહે. બોટાદ ઝડપાયો ન હતો તેના વિરૂદ્ધ પણ બોટાદ પોલીસે ગુનો નોંધી કાયદેસરની કાર્યવાહી હાથ ધરી છે. હવે રમતો મનોરંજન ન રહેતા જુગાર બની રહી છે.