ભુજમાં લાકડી વડે થયેલ હુમલામાં યુવાનને અસ્થિભંગની ઇજા.
ભુજ શહેરમાં વાલ્મીકિનગર વિસ્તારમાં અગાઉના ઝઘડા અન્વયે લાકડીથી થયેલ હુમલામાં જીતેન્દ્ર રણજિતસિંહ ચૌહાણને જમણા હાથના પંજા પર અસ્થિભંગની ઇજા પહોંચી હતી. સોમવારે બનેલા આ બનાવ અંગે હરપાલસિંહ જાડેજા, પંકજ સુભાષ છપરી અને તેમની સાથેના એક અજ્ઞાત શખ્સ વિરુદ્ધ પોલીસ ફરિયાદ નોંધવાઇ હતી. બે દિવસ પહેલા પંકજના ભાઈ સાથે થયેલા ઝઘડાની અદાવતમાં આ હુમલો કરાયાની ફરિયાદ નોંધાવાઇ છે. બી ડિવિઝન પોલીસે કેસની આગળની તપાસ હાથ ધરી છે.
