કાંસાના પ્રથમ બસ સ્ટેશન પર મોટર સાઇકલ અને ટ્રક વચ્ચે અકસ્માત: બે યુવકો ઈજાગ્રસ્ત

copy image

વિસનગર તાલુકાના કાંસા ગામમાં આવેલા પ્રથમ બસ સ્ટેશન પર વિસનગરથી કાંસા ગામમાં મોટર સાઇકલમાં બેસણામાં જવા નીકળેલાં 2 યુવકોને ટ્રકે અડફેટે લીધા હતા. બંને યુવકોને ઇજાઓ થતાં ટ્રક ચાલક વિરુદ્ધ વિસનગર શહેર પોલીસ મથકમાં ફરિયાદ દાખલ કરવામાં આવી હતી.

કાંસા એન.એ. વિસ્તારની મધુરમ ડુપ્લેક્ષમાં રહેતા મનીષકુમાર રમણભાઈ પ્રજાપતિ તેમના મોટા ભાઈ રાજીવ સાથે મોટર સાઈકલ નંબર જી.જે.02.બી.એમ.7307 લઈ કાંસા ગામમાં બેસણામાં જવા માટે નીકળ્યા હતા. જ્યાં કાંસા ગામમાં પ્રથમ બસ સ્ટેશન પર જતી ટ્રકે (GJ.02.XX.5071) પુરપાટે આવી મોટર સાઇકલને આગળથી ઠોકર મારતા બાઇક સ્લીપ થઈ ગઈ હતી. જેમાં બાઇક ટ્રકના આગળના ભાગમાં નીચે આવી જતાં બીજા લોકો એકત્ર થઈ જતાં યુવકોને બહાર કાઢ્યા હતા. આમ ટ્રક ટક્કર મારતાં યુવાનોને ઇજાઓ થતાં 108 વડે હોસ્પિટલ ખસેડાયા હતા. આમ ટ્રક ચાલકે પુરપાટે આવી મોટર સાઇકલ ચાલકને ઠોકર મારતાં ઇજાઓ થતાં મોટર સાઇકલ ચાલકે વિસનગર શહેર પોલીસ મથકમાં ગુનો દાખલ કરાવ્યો હતો. પોલીસે ગુનો દાખલ કરી વધુ તપાસ હાથ ધરી છે.