ઝુંડાલ કેનાલ નજીક પાર્ક કરેલ કારનો કાચ તોડી મોબાઇલની તસ્કરી કરાઇ

વહેલી સવારે તેમના સિનિયરની કારમા બેસીને ચાલવા આવેલા આસીસ્ટન્ટ મેનેજરની કારનો કાચ તોડી અંદર મુકવામા આવેલા મોબાઇલની ચોરી થઈ હતી.

પ્રાપ્ત વિગતો અનુસાર 34 વર્ષિય અંકિત જ્ઞાનેદ્ર કૌશિક (રહે, ન્યુ સીજી રોડ, ચાંદખેડા) એરપોર્ટ ઓથોરીટો ઓફ ઇન્ડીયામા આસીસ્ટન્ટ મેનેજર તરીકે નોકરી કરે છે. ત્યારે તેમના સિનિયર ઓફિસરની કાર નંબર જીજે 01 આરડી 2419મા બેસીને ઝુંડાલ નર્મદા કેનાલ નજીક આવ્યા હતા અને કારને કેનાલ પાસેના સર્વિસ રોડ ઉપર લોક કરીને મુકાઇ હતી. જ્યારે કારના આગળના ડેસ્ક બોર્ડમા મોબાઇલ મુકાયો હતો. ત્યારબાદ બંને કેનાલ તરફ ચાલવા ગયા હતા.

વહેલી સવારે કાર મુકીને ગયા હતા, જ્યારે એકાદ કલાક પછી કાર પાર્ક કરેલી જગ્યા પાસે આવતા કારમા ખાલી સાઇડની પાછળના ભાગનો કાચ તુટેલી હાલતમા નજરે પડ્યો હતો. જ્યારે કારમા બેસીને ડેસ્કમા મુકવામા આવેલો મોબાઇલ લેવા જતા જોવા મળ્યો ન હતો. જેથી અજાણ્યો ચોર ચોરી કરી ફરાર થઇ ગયો હોવાનુ સામે આવ્યુ હતુ.