બોટાદના ટાઢાની વાડી વિસ્તારમાં મકાન બંધ હોવાનો લાભ ચોરે ઉઠાવ્યો: સોના-ચાંદી તેમજ રોકડ રકમની કરાઈ ચોરી
બોટાદ શહેરના સાળંગપુર રોડ ઉપર આવે ટાઢાના વાડીના વિસ્તારમાં રહેતા હિતેષ વાજા પોતાના પરિવાર સાથે લગ્ન પ્રસંગે જામનગર ગયો હતો. ત્યારે તેમનું મકાન બંધ હોવાનો લાભ લઇ મોડી રાત્રીના ચોર દ્વારા બંધ મકાનના તાળા તોડી મકાનની અંદર રહેલ તિજોરીમાંથી સોના – ચાંદીના દાગીના તેમજ રોકડ સહિત લાખો રૂપિયાની ચોરી કરી ફરાર થઈ ગયા છે.
આ ઘટના અંગે પરિવારને જાણ થતા પરિવાર દ્વારા બોટાદ પોલીસને જાણ કરાઈ છે. પોલીસ દ્વારા વધુ તપાસ હાથ ધરાઈ છે. પોલીસ દ્વારા પેટ્રોલીગ શરૂ કરવામાં આવે તેવી લોક માંગ ઉઠવા પામી છે.
