રાજકોટમાં ઓવરટેક કરવા જતી સિટી બસે સામે આવતા બુલેટને જોરદાર ઠોકર મારતા,બુલેટ ચાલક ઇજાગ્રસ્ત

રાજકોટમાં શહેરના આનંદ બંગલા ચોક પાસે પૂરપાટે જતી સિટી બસે રિક્ષાને ઓવરટેક કરતા સમયે સામેથી આવતા બુલેટ ચાલકને ઠોકરે લીધો હતો. જેમાં બુલેટ ચાલક ફૂટબોલની જેમ ફંગોળાઇને રોડ પર પટાકાઇ ગયો હતો. આ બનાવમાં ગંભીર રીતે ઈજા પામેલ બુલેટ ચાલકને સારવાર અર્થે ખાનગી હોસ્પિટલમાં ખસેડાયો છે. આ સમગ્ર ઘટનાના સીસીટીવી ફૂટેજ સામે આવ્યા છે. સીસીટીવીમાં જોવા મળે છે કે, બસની ઠોકરથી બુલેટચાલક ફંગોળાઈને 7 ફૂટ દૂર રોડ પર પટકાય છે.

શહેરના આનંદ બંગલા ચોક પાસે બપોર પછીના અરસામાં  નવી શરૂ થયેલી ઇલેક્ટ્રિક સિટી બસ ઝડપથી રિક્ષાને ઓવરટેક કરતા બુલેટ ચાલકને ઠોકરે લીધો હતો.આ ઘટના બાદ લોકોના ટોળા એકઠા થઈ ગયા હતા.