થરાદની ખોડાચેક પોસ્ટ પરથી દારૂની 2760 બોટલ ભરેલ ટેન્કર સાથે એકની અટકાયત

થરાદની ખોડાચેક પોસ્ટ પેટ્રોલિંગમાં રહેલા આઇટીબીપી અને એએસટી ટીમના કર્મચારીઓ તથા પીએસઆઇ વી.એસ.દેસાઇ વાહન ચેકીંગની કામગીરી કરતા હતા. આ દરમિયાન સાંચોર તરફથી આવેલ જીજે-12-બીવી-9781 નંબરનું શંકાસ્પદ ટેન્કર આવતાં તેને અટકાવી ચકાશતા તેમાંથી વિદેશી દારૂની 230 પેટીમાંથી 2760 બોટલ વિદેશી દારૂનો જથ્થો મળ્યો હતો.

પોલીસે રૂપિયા 8,28,840નો દારૂ તેમજ પાંચ હજારના મોબાઇલ અને 10 લાખનું ટેન્કર મળીને રૂપિયા 18,33,840 ના મુદ્દામાલ સાથે ચાલક કવરારામ ખેતારામ થોરી (જાટ) (રહે.થોરીઓ કા તલા, કોનરા,તા.ચૌહટન, જિ.બાડમેર-રાજસ્થાન) ની ધરપકડ કરવામાં આવી હતી. ઉપરાંત બોર્ડર પાર કરીને ફોન કરવાનું કહેનાર (દારૂ ભરાવનાર) નારાયણ જાટ (રહે.રામજી ગોળ-રાજસ્થાન) સામે કાયદેસરની કાર્યવાહી હાથ ધરવામાં આવી હતી.