ગાંધીધામ એ-ડિવિઝન પોલીસે દારૂ સાથે એક શખ્સને ઝડપ્યો:1,00250નો મુદ્દામાલ જપ્ત

ગાંધીધામ એ-ડિવિઝન પોલીસ પેટ્રોલીંગમાં હતી તે દરમિયાન ઓસ્લો ચોકી પાસે પહોચતા ખાનગી રાહે ચોક્કસ બાતમી મળી હતી કે, ગાંધીધામ ગળપાદરમાં રહેતો રાજેશ જુગલકિશોર સેન લવ ગાર્ડન પાસે પોતાની માલીકીની ગ્રે કલરની એક્ટિવામાં વિદેશીદારૂ રાખી વેપલો કરે છે. પોલીસે બાતમીવાળા સ્થળ પર પહોચી કાર્યવાહી કરતાં એક શખ્સને જીઆરઇ કલરની એક્ટિવા સાથે જોતાં તેને ઝડપી પાડી પૂછપરછ કરતાં પોતાનું નામ રાજેશ જુગલકિશોર સેન હોવાનું જણાવ્યુ હતું. પોલીસે એક્ટિવા તપાસતા કાળા કલરના થેલામાથી ભારતીય બનાવટની વિદેશી દારૂની 10 બોટલો મળી આવી હતી.

પોલીસે આરોપી રાજેશ જુગલકિશોર સેનની અટકાયત કરી તેની પાસેથી ભારતીય બનાવટની વિદેશી દારૂની 10 બોટલો કિ.રૂ. 12750, 2 મોબાઈલ ફોન કિ.રૂ. 10,500, રોકડા રૂપિયા 7000 તથા દારૂની હેરફેર માટે ઉપયોગમાં લેવામાં આવેલ એક્ટિવા કિ.રૂ.70,000 એમ મળી કુલ કિ.રૂ. 1,00250નો મુદ્દામાલ કબ્જે કર્યો હતો. પોલીસે આરોપી વિરુદ્ધ ગુનો દાખલ કરી વધુ તપાસ હાથ ધરી છે.