ગાંધીધામ પોલીસે 2 સ્થળે દરોડા પાડી 9 જુગાર પ્રેમીઓને ઝડપ્યા

ગાંધીધામ બી-ડિવિઝન પોલીસે બાતમીના આધારે 2 સ્થળે દરોડા પાડી જુગાર રમતા 9 આરોપીને પકડી પાડ્યા હતા.

ગાંધીધામ પોલીસે મળેલ બાતમીના આધારે સુભાષચંદ્ર પાર્ક પાસે આવેલ પાણીના ટાંકા પાસે દરોડો પાડ્યો હતો. આ દરોડામાં પોલીસે 4 શખ્સોને જુગાર રમતા પકડી પાડી રોકડા રૂ. 12,200નો મુદ્દામાલ હસ્તગત કરી કાયદેસરની કાર્યવાહી હાથ ધરી હતી.

પકડાયેલ આરોપીઓ:

1. ભાવેશભાઈ બળદેવભાઈ સોલંકી રહે. ગાંધીધામ
2. કુમાર ગોવિંદભાઈ લાડે રહે. ગાંધીધામ
3. ઓમપ્રકાશ તુકલાલ સોની રહે. ગાંધીધામ
4. પ્રકાશ રામસંગજી ભીલ રહે. ગાંધીધામ

બીજો દરોડો પોલીસે પડાણા પંચરત્ન કોમ્પ્લેક્ષની પાછળ આવેલ ખુલ્લી જગ્યામાં પાડ્યો હતો. આ દરોડામાં 5 જુગારી જુગાર રમતા ઝડપી પડાયા હતા. પોલીસે પાંચેય આરોપીઓ પાસેથી રોકડા રૂ. 10,700નો મુદામાલ કબ્જે કરી કાયદેસરની કાર્યવાહી હાથ ધરી હતી.

પકડાયેલ આરોપીઓ:

1. સાહિદૂઅલી કિસ્મત અલી રહે. પડાણા
2. અખ્તરઅલી મોન્ટુઅલી શેખ રહે. પડાણા
3. પરમેશ્વર ઉમેશચન્દ્ર વરમન રહે. પડાણા
4. શીવલાલ રાજકુમાર મીરધા રહે. પડાણા
5. અલીહુશેન મોહમદસીધિક અલી રહે. પડાણા