પધ્ધર પોલીસે મધ્યપ્રદેશના ત્રણ ગુનાનો નાસી છૂટેલ આરોપીને ઝડપી પાડ્યો  

પધ્ધર  પોલીસે મધ્યપ્રદેશ ખાતે આવેલ બધના પોલીસ મથકના નિમાચની જિલ્લાના ફરાર આરોપી ધવલ જિતેન્દ્ર પટેલને ઝડપી પાડ્યો હતો. મળેલ માહિતી અનુસાર પધ્ધર  પોલીસ  શેખપીર ચેકપોસ્ટ પાસે વાહન ચેકિંગમાં હતી, તે દરમીયાન પોલીસ કંટ્રોલ રૂમથી ટેલિફોનિક જાણ થઇ કે, મધ્યપ્રદેશના ત્રણ ગુનાનો નાસી છૂટેલ આરોપી ધવલ જિતેન્દ્ર પટેલ નખત્રાણાથી ભુજ તરફ ગયેલ છે તેમજ આરોપીનો ફોટો વોટ્સએપ દ્વારા પધ્ધર  પોલીસને  મળ્યો હતો. આરોપીની વોચ દરમ્યાન સફેદ એસયુવીની તપાસ કરાતાં ફોટાવાળો શખ્સ ધવલ મળી આવતાં તેને કરવામાં આવેલ પૂછતાછ દરમીયાન આરોપીએ ગુનાની કબૂલાત કરી હતી. પકડાયેલા આરોપીને આગળની કાર્યવાહી કરવા મધ્યપ્રદેશ પોલીસને સોંપી દેવામાં આવ્યો છે.