અંજારમાં એક રહેણાંક મકાનમાંથી કુલ 25 હજારનો દારૂ ઝડપાયો  

અંજાર પોલીસ પેટ્રોલિંગમાં હતી તે દરમીયાન તેમને ખાનગી રાહે બાતમી મળેલ હતી કે, અંજાર ખાતે આવેલ અંબાજી નગરમાં રહેતો વાલારામ વગતારામ ચૌધરી નામનો શખ્સ પોતાના રહેણાક મકાનમાં ભારતીય બનાવટનો વીદેશી દારૂનો જથ્થો વેચાણ અર્થે રાખેલ છે. મળેલ બાતમીના આધારે પોલીસે હકીકત વાળી જગ્યાએ દરોડો પાડી ભારતીય બનાવટના વિદેશી દારૂની કુલ 54 બોટલ જેની કુલ કિ.રૂ.25,300 સહિત તમામ મુદ્દામાલ કબ્જે કર્યો હતો. હાથ ધરવામાં આવેલ કાર્યવાહી દરમીયાન એક શખ્સને પોલીસે ઝડપી પાડ્યો હતો. તેમજ આરોપી વાલારામ વગતારામ ચૌધરી હાજર મળી આવેલ ન હતો. પોલીસે તમામ મુદ્દામાલ કબ્જે કરી આગળની વધુ કાયદેસરની કાર્યવાહી હાથ ધરી છે.