ભચાઉ ખાતે આવેલ નાની ચીરઇ પાસે અજાણ્યા વાહને  અડફેટે લેતા 40 વર્ષીય શખ્સનું ઘટનાસ્થળે જ મોત

ભચાઉ ખાતે આવેલ નાની ચીરઇ પાસે અજાણ્યા વાહને  અડફેટે લેતા મધ્યપ્રદેશના 40 વર્ષીય શખ્સનું મોત થયું હતું. આ બનાવ અંગે મળેલ માહિતી અનુસાર મધ્યપ્રદેશનો દશરૂ અને તેનો કૌટુંબિક ભાઇ નાનકરામ રાજેલાલ કુમારે ભચાઉ ખાતે આવેલ નાની ચીરઇમાં રમેશભાઇનાં મકાનમાં ભાડે રહે છે. આ બંને શખ્સો લુઇસ કંપનીમાં કામ કરે છે. ગત દિવસે સાંજના અરસામાં દશરૂ કામ અર્થે પોતાના રૂમથી બહાર નીકળ્યો તે દરમ્યાન કોઇ અજાણ્યા વાહને તેને હડફેટમાં લેતાં તેને ગંભીર ઇજાઓ પહોંચવાના કારણે તેનું ઘટના સ્થળે જ મોત થયું હતું. આ મામલે પોલીસે અજાણ્યા વાહનચાલક સામે ગુનો દાખલ કરી આગળની વધુ તપાસ આરંભી છે.