અંજાર ખાતે આવેલ મેઘપર બોરીચીમા બંધ મકાનનાં તાળાં તોડી 31ની તસ્કરી થતાં ચકચાર

  અંજાર ખાતે આવેલ મેઘપર બોરીચીની કૈલાસ જ્યોત સોસાયટીમાં બંધ મકાનનાં તાળાં તોડી 31 હજારની તસ્કરી થતાં ચકચાર પ્રસરી છે. આ મામલે મળેલ માહિતી અનુસાર મેઘપર બોરીચીની કૈલાસ જ્યોત સોસાયટીમાં બંધ મકાનનાં તાળાં તોડી લેપટોપ તથા મોબાઇલ એમ કુલ રૂા. 31,927ની મતાની તસ્કરી કરી ચોર ઈશમો પલાયન થઈ ગયા હતા. મળેલ માહિતી મુજબ પડાણાની કચ્છ કેમિકલ નામની ફેકટરીમાં કામ કરનાર સિધાંત કિશોર મારૂ નામનો યુવક ગત તા. 22-11ના સાંજના અરસામાં મકાનને તાળું મારી નોકરીએ ગયેલ હતો. બીજા દિવસે સવારે પરત આવતાં મકાનનાં તાળાં તૂટેલાં અને મકાનમાં સરસામાન વેરવિખેર હાલાતમાં જોવા મળ્યો હતો. અને વધુ તપાસ કરતા ચોરી થઈ હોવાનું સામે આવ્યું હતું. પોલીસે આ મામલે ફરિયાદ દાખલ કરી આગળની વધુ તપાસ હાથ ધરી છે.