ડાકડાઇમાંથી 60 હજારના મુદ્દામાલ સાથે આઠ મહિલા સહિત 12 ખેલીઓ પોલીસના સકંજામાં

ભુજ ખાતે આવેલ માનકૂવા નજીક ડાકડાઇમાં ગંજીપાના વડે રૂપિયાની હારજીતનો જુગાર રમતા આઠ મહિલા સહિત 12 ખેલીઓને એલસીબીની ટીમે 60 હજારના મુદ્દામાલ સાથે ઝડપી પાડ્યા છે. આ મામલે મળેલ માહિતી અનુસાર એલસીબીને ખાનગી રાહે બાતમી મળેલ હતી કે, ડાકડાઇમાં આવેલ એક રહેણાક મકાનની બાજુમાં ગંજીપાના વડે જુગાર રમાઈ રહ્યો છે. મળેલ બાતમેના આધારે એલસીબીએ હકીકત વળી જગ્યાએ દરોડો પાડી જુગાર રમતા આઠ મહિલા સહિત 12 ખેલીઓને ઝડપી પાડ્યા છે. પકડાયેલ ખેલીઓ પાસેથી રોકડા રૂા. 42,170 અને સાત મોબાઇલ કિં. રૂા. 18,500 એમ કુલ રૂા. 60,670નો મુદ્દામાલ હસ્તગત કરવામાં આવેલ હતો. પકડાયેલ ખેલીઓ વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરવામાં આવી છે.