અંજાર ખાતે આવેલ વરસામેડીની સોસાયટીના બંધ મકાનમાં હાથ સાફ કરનાર શખ્સ પોલીસના સકંજામાં
copy image
સૂત્રો દ્વારા જણાઈ રહ્યું છે કે, અંજાર ખાતે આવેલ વરસામેડી દિવ્યા-બે સોસાયટીના બંધ મકાનમાથી ચોરી કરીને ફરાર થઈ ગયેલ શખ્સને પોલીસે ઝડપી પાડ્યો છે. આ મામલે મળેલ માહિતી અનુસાર અંજાર ખાતે આવેલ વરસામેડીની દિવ્યા-બે સોસાયટી પ્લોટ નંબર 33-34માં રહેનાર એક સ્ત્રીના પતિનું અવસાન થતાં તે પરિવાર સાથે રાજસ્થાન ગયેલ હતા. ત્યાર બાદ તેમના બંધ ઘરમાં તસ્કરી થતાં તેમના સંબંધી અને બનાવના ફરિયાદી ત્યાં ગયેલ હતા. આ મામલે આરોપી શખ્સ વિરુદ્ધ ફરિયાદ દાખલ કરાવવા ફરિયાદી પોલીસ મથકે પહોચ્યા ત્યાં પોલીસે એક શખ્સને ચોરી કરતાં પકડી પાડયો હોવાનું સામે આવ્યું હતું. આ શખ્સ અંગે વધુ તપાસ કરતાં તેની પાસે મળી આવેલ આધારકાર્ડ ફરિયાદી સ્ત્રીનો હોવાનુ સામે આવ્યું હતું. આ મામલે પોલીસે આરોપી શખ્સ વિરુદ્ધ ફરિયાદ દાખલ કરી આગળની વધુ કાયદેસરની કાર્યવાહી હાથ ધરી છે.
