ભુજમાં એક રહેણાક મકાનમાંથી શરાબની 12 બોટલ સાથે એક શખ્સ ઝડપાયો

સૂત્રો દ્વારા જણાઈ રહ્યું છે કે પોલીસે ભુજમાથી 11 હજારના દારૂ સાથે એક શખ્સને રંગે હાથ ઝડપી પાડ્યો છે. આ મામલે મળેલ માહિતી અનુસાર પોલીસને ખાનગી રાહે બાતમી મળેલ હતી કે, ભુજ શહેરમાં આવેલ શ્રીજીનગર-અરિહંત નગરમાં એક શખ્સ મકાન ભાડે રાખી દારૂનું વેચાણ કરી રહ્યો છે. મળેલ બાતમીના આધારે પોલીસે બાતમી વાળી જગ્યાએ રેઇડ પાડી હતી. હાથ ધરવામાં આવેલ કાર્યવાહી દરમ્યાન આ મકાનમાથી અલગ અલગ બ્રાન્ડની કુલ 12 બોટલ જેની કિંમત રૂા. 11,280નો અંગ્રેજી દારૂ  હસ્તગત કરવામાં આવેલ હતો. પોલીસે તમામ મુદ્દામાલ કબ્જે કરી આગળની વધુ કાયદેસરની કાર્યવાહી હાથ ધરી છે.