રાપર નજીક ડમ્પર પલટ્યું : ચાલકનું ઘટનાસ્થળે જ મોત
copy image
રાપર નજીક ડમ્પર પલટી જતાં ગોઝારો અકસ્માત સર્જાયો હતો જેમાં ડમ્પરના ચાલકનું ઘટના સ્થળે જ મોત નીપજયું હતું. આ બનાવ અંગે સૂત્રો દ્વારા મળેલ માહિતી અનુસાર આ બનાવ ગત તા. 12ના રાતના સમયે બન્યો હતો. ડમ્પરના ચાલક મોરગરથી ડમ્પરમાં કાળી કપચી ભરી રાપર આવી રહ્યા હતા. તે દરમ્યાન ત્રંબૌ રોડ પર પાંજરાપોળ નજીક સામેના વાહનની લાઈટના અજવાળાંમાં કઈ ન દેખાતા સ્ટીયરિંગ પર કાબૂ તેમણે ગુમાવી દીધો હતો. માહિતી મળી રહી છે કે, આ બનાવમાં ડમ્પરના ચાલકનું ગંભીર ઇજાઓના પગલે ઘટના સ્થળે જ કમકમાટી ભર્યું મોત નીપજયું હતું.
