ગાંધીધામની મુખ્ય બજારમાં મોપેડ ઉપર જતા વૃદ્ધાના ગળામાંથી ચેઇનની ચીલઝડપ કરી ત્રણ શખ્સો થયા ફરાર

સૂત્રો દ્વારા જણાઈ રહ્યું છે કે, ગાંધીધામની મુખ્ય બજારમાં મોપેડ ઉપર જતા વૃદ્ધાના ગળામાંથી ચેઇનની ચીલઝડપ કરી ત્રણ શખ્સો ફરાર થઈ ગયા હતા. જાણવા મળી રહ્યું છે કે, ગાંધીદ્ધાંના H.D.X સાઉથ, વૂડલેન્ડ શો રૂમ નજીક આવેલ જૈન મંદિરની સામે ઇશ્વરીબેન મોપેડ લઇને બજારમાં ચક્કર મારવા ગયેલ હતા. તે સમયે વૂડલેન્ડના શો રૂમ નજીક પહોંચતાં પાછળથી એક્સેસ મોપેડ ઉપર ત્રણ શખ્સો આવેલ અને તીવ્ર ગતિએ આવેલા આ ત્રણ પૈકી એક શખ્સે પાછળ બેઠેલા વૃદ્ધાના ગળામાં હાથ નાખી દોઢ તોલાની રૂ. 60,000ની સોનાની ચેઇનની ચીલઝડપ કરી નાસી છૂટ્યા હતા. આ મામલે પોલીસ મથકે ફરિયાદ નોંધાવવામાં આવતા પોલીસે નોંધાવેલ ફરિયાદ અનુસાર આગળની વધુ તપાસ હાથ ધરી છે.