પૂર્વ કચ્છમાં જુગારના ત્રણ અલગ-અલગ દરોડામાં 14 ખેલી ઝડપાયા

 પૂર્વ કચ્છમાં પોલીસે જુગાર અંગેની કાર્યવાહી કરીને જાહેરમાં જુગાર ખેલતા 14 ખેલીઓની ધરપકડ કરી કુલ રોકડ રૂા. 30,700 હસ્તગત  કર્યા હતા. સામખિયાળીમાં જૂના બસ સ્ટેન્ડની પાછળ તળાવની પાળ ઉપર પોલીસે કાર્યવાહી કરી હતી.  અહીં અમુક શખ્સો ગંજીપાના વડે નસીબ અજમાવી રહ્યા હતા ત્યારે અચાનક પોલીસ ત્રાટકી  હતી અને  ત્રણ  શખ્સોને  પકડી પાડયા હતા. આ શખ્સો પાસેથી રોકડ રૂા. 13,300 તથા ત્રણ મોબાઈલ એમ કુલ રૂા. 21,800નો મુદ્દામાલ  હસ્તગત  કરવામાં આવ્યો હતો. બીજા દોરડા દરમિયાન આદિપુરમાં મદનસિંહ સર્કલ નજીક ક્રિષ્ના હોસ્પિટલ  પાસે ખુલ્લી જગ્યામાં  કરવામાં આવી હતી. અહીં ધાણીપાસા વડે જુગાર ખેલતા પાંચ   શખ્સોને પોલીસે પકડી પાડયા હતા. જાહેરમાં જુગાર  રમતા અને પોલીસના હાથે પકડાયેલા આ શખ્સો પાસેથી રોકડ રૂા. 12,300 હસ્તગત કરાયા હતા. જુગાર  અંગેની  ત્રીજી કાર્યવાહી ગાંધીધામના નવી સુંદરપુરી તળાવડી વિસ્તારમાં કરવામાં આવી હતી. અહીં પત્તા ટીંચતા છ   શખ્સોની પોલીસે ધરપકડ કરી તેમની પાસેથી રોકડ રૂા. 5100 જપ્ત કર્યા હતા.