જામનગરમાં એલસીબીએ મૂળ ભાવનગરના એક ઈસમને રૂ. 50,000 ની રિવોલ્વર તથા એક જીવંત કારતૂસ સાથે ઝડપી પાડી હથિયાર આપનાર ઇસમનું એનએમ ઓકવ્યું છે. જામનગરમાં એલસીબી દ્રાર કરવામાં આવી રહેલા પેટ્રોલીંગમાં ટીમના ભાગીરથસિંહ તથા હરદીપ ઘાઘલને બાતમી મળી હતી કે હુસેની ચોકમાં એક ઈસમ રિવોલ્વર સાથે રખડી રહ્યો છે. ઉપરોક્ત બાતમીના આધારે એલસીબીના કાફલાએ કલાવાડ નાકા બહાર આવેલી મહારાજ સોસાયટી પાસેના હુસેની ચોકમાં વોચ ગોઠવી હતી. આ વેળાએ ત્યાંથી જીજે 4 સીકે 9344 નંબરના એક્ટિવા પર પસાર થયેલા મૂળ ભાવનગરના રહેવાસી અને હાલમાં ટીટોડીવાડીમાં રહેતા અબનબીન કરીમભાઇ આરબ નામના ઇસમને રોકાવી ટ્રની તપાસ લેવાતા આ ઇસમના કબજામાંથી એક રિવોલ્વર, કારતૂસ,એક્ટિવા મળી કુલ રૂ. 75,150 નો મુદામાલ જપ્ત કરી ગુનો નોંધાવ્યો છે. આ ઇસમની પુછપરછ હાથ ધરાતા તેણે આ હથિયાર ભાવનગરના સમદ અબેદ શેખ પાસેથી મેળવ્યું હોવાની કબુલાત આપી છે. આ તપાસમાં પીઆઇ આર.એ ડોડીયા, પીએસઆઈ કે.કે ગોહિલ, પીએસઆઈ આર.બી. ગોજિયા, ટીમના જયુભા ઝાલા, વસરામભાઈ, બશીરભાઈ, લક્ષ્મણ ભાટિયા, હરપાલસિંહ સોઢા, ભરત પટેલ, શરદ પરમાર, નાનજી પટેલ, દિલિપ તલાવડીયા, ફિરોઝ દાળ, ખીમજીભાઈ ભોચિયા, લાભુભાઈ ગઢવી, મિતેશ પટેલ, ભાગીરથસિંહ, હરદીપ ઘાઘલ, સંજયસિંહ વાળા, નિર્મળસિંહ બી. જાડેજા, નિર્મળસિંહ એસ જાડેજા, બળવંતસિંહ પરમાર, હિરેન વરણવા, પ્રતાપ ખાચર, સુરેશ માલકિયા, અજયસિંહ ઝાલા, એ.બી. જાડેજા, અરવિંદગીરી, ભારતીબેન ડાંગર સાથે રહ્યા હતા.
