પોરબંદર : પોરબંદરમાં ક્રાઈમ બ્રાંચની ટીમે ભજીયાની દુકાનમાંથી વેબસાઈટમાં આઈડી બનાવી અને આઈપીએલનો જુગાર રમતા એક ઈસમની અટક કરી છે જયારે અન્ય એક ઈસમનું નામ ખુલતા તેના વિરુધ્ધ ગુન્હો નોંધ્યો છે. પોરબંદરના છાયા ચોકી ચાર રસ્તા નજીક આવેલ રઘુવંશી ભજીયા નામની દુકાનમાં આઈપીએલના મેચમાં જુગાર ચાલી રહ્યો છે. આથી પોલીસે દરોડો પાડતા કમલેશ ઉફ્રે કમલ પ્રભુદાસભાઇ લાખાણી નામનો ઈસમ મોબાઇલમાં એક વેબસાઇટમા પોતાની આઈડીમાં આઈપીએલમાં ક્રિકેટ મેચ રાજસ્થાન રોયલ તથા કલકતા નાઇટ રાઇડર્સ વચ્ચે મેચ ચાલુ હતો. જે મેચ ઉપર ખેલાડીઓના રનફેર તથા ઓવર ઉપર હારજીતનો જુગાર રમતો હતો. આથી પોલીસે તેને રૂ.૧૪,૬૫૦ની રોકડ તથા ૧૦,૦૦૦ની કિમતનો મોબાઇલ ફેન મળી કુલ રૂ.૨૪,૬૫૦/- ના મુદામાલ સાથે પકડી લીધો હતો અને વેબસાઇટમાં તેની આઈડી બાબતે પુછતા આ આઈડી તેને કેતન નટવરલાલ રાઠોડ નામના ઇસમે ખોલી આપી હોવાનું જણાવતા કેતન સામે ગુન્હો નોંધી તેની શોધખોળ હાથ ધરી છે.
