કામદારોની સુરક્ષાનો મુદ્દો ફરી એક વખત ચર્ચામાં : કંડલા બંદર પર 30 ફૂટ ઊંચાઇએથી નીચે 27 વર્ષીય યુવાનનું મોત

કંડલા બંદર પર ઊંચાઇએથી નીચે પટકાતાં 27 વર્ષીય યુવાનનું મોત નીપજયું છે. આ બનાવ અંગે પ્રાપ્ત થતી વિગતો મુજબ કંડલામાં જે. એમ. બક્ષી, કે.આઇ.સી.ટી. જેટી નંબર 11-12 પર આ જીવલેણ બનાવ બન્યો હતો. શિણાયની રામેશ્વર સોસાયટીમાં રહેનાર 27 વર્ષીય  અર્જુન રામ વાઘ નામનો યુવાન પ્લેટની સાફ-સફાઇ માટે ઉપર ચડેલ હતો તે સમયે અકસ્માતે 30 ફૂટ ઊંચાઇએથી નીચે પટકાયો હતો જેમાં ગંભીર ઇજાઓ પહોંચતા આ યુવાનનું મોત નીપજયું હતું. સૂત્રો જણાવી રહ્યા છે કે આ બનાવના કારણે ફરી એક વખત પોર્ટ ઉપર કામદારોની સુરક્ષાનો મુદ્દો ચર્ચામાં આવ્યો છે.