બેંકમાંથી લીધેલ લોન પેટે આપવામાં આવેલ ચેક પરત ફરતા આરોપી એક વર્ષ માટે જેલમાં ધકેલાયો

બેંકમાંથી લીધેલ લોનના બદલામાં આપવામાં આવેલ ચેક પરત ફરવાના પ્રકરણમાં આરોપી શખ્સને એક વર્ષની સાદી કેદની સજા ફટકારવામાં આવેલ છે. આ મામલે સૂત્રોમાંથી પ્રાપ્ત થતી વિગતો મુજબ આ ગુના કામેના આરોપી શખ્સે ગુજરાત રાજ્ય સહકારી કૃષિ અને ગ્રામીણ વિકાસ બેંકની અંજાર શાખામાંથી ખેતીવિષયક લોન લીધેલ હતી. જે તેઓએ ભરપાઇ ન કરતાં લોનની નીકળતી રકમ રૂા. 3,80,844નો ચેક જમા કરાવેલ હતો. વધુમાં જાણવા મળી રહ્યું છે કે, આ ચેક પરત ફરતા કોર્ટમાં ફરિયાદ દાખલ કરાઈ હતી. કોર્ટે આ કેસમાં બંને પક્ષોની દલીલો સાંભળ્યા બાદ આરોપી શખ્સને તકસીરવાન ઠેરવી એક વર્ષની સાદી કેદ ઉપરાંત રૂા. 3,80,844ના દંડની રકમ ફરિયાદીને ચૂકવવા હૂકમ જાહેર કર્યો છે.