ભુજના સુમરાસર શેખ ગામમાં ઢોરી જતા રોડ પર શોર્ટસર્કિટના કારણે ઘાસ ભરેલાં ટ્રેઈલરમાં આગ ભભૂકી ઉઠી

ભુજ ખાતે આવેલ સુમરાસર શેખ ગામમાં ઢોરી જતા રોડ પર શોર્ટસર્કિટના કારણે ઘાસ ભરેલાં ટ્રેઈલરમાં આગની જ્વાળાઓ ફાટી નીકળી હોવાનો બનાવ સામે આવ્યો છે. ત્યારે આ મામલે સૂત્રોમાંથી પ્રાપ્ત થતી વિગતો મુજબ સુમરાસર ગામના વાલાભાઇ આહીરે પોતાના પશુઓ માટે ઘાસચારો મંગાવેલ હતો. ત્યારે પંજાબથી ટ્રેઈલરમાં 12-15 કિલોની 700 જેટલી ગાંસડી ટ્રેઈલરમાં ભરી ભુજ પહોંચ્યા બાદ કાંટો કરી સુમરાસર નજીક પહોંચ્યો હતો. ત્યારે બપોરે 12-15ના સમયે ઢોરી રોડ પર આરોગ્ય કેન્દ્ર નજીક ટ્રેઈલરમાં શોર્ટસર્કિટના કારણે આગ ભભૂકી ઉઠી હતી. આ આગે થોડી જ વારમાં વિકરાળ સ્વરૂપ ધારણ કરી લેતા તમામ ઘાસ ચારો બળીને ભશ્મ થયો હતો. ડ્રાઇવરે સમયસૂચકતા વાપરી પારકરવાસથી ટ્રેઈલરને દૂર લઇ જતાં મોટી દુર્ઘટના ટળી હતી. સદભાગ્યે આ બનાવમાં કોઈ જાનહાની થઈ નથી પરંતુ ટ્રેઈલરમાં 700 જેટલી ગાંસડી હતી, જેની કિંમત 1.26 લાખનો ઘાસ ચારો બળીને ભશ્મ થયો હોવાનું સામે આવ્યું છે.