ગાંધીધામના કિડાણામાં છોટા હાથી છકડો રિવર્સ આવતા 12 વર્ષનો બાળક છકડા નીચે ચગદાયો

 ગાંધીધામ ખાતે આવેલ કિડાણામાં રિવર્સ આવતા છોટા હાથી છકડાના ચાલકે 12 વર્ષના બાળકને હડફેટમાં લેતા આ માસૂમને જીવ ગુમાવવાનો વારો આવ્યો છે. ત્યારે આ બનાવ અંગે વર્તુળોમાંથી પ્રાપ્ત થતી વિગતો મુજબ ગત તા. 2-4ના સાંજના અરસામાં કિડાણાની સોસાયટીમાં રહેનાર બાળકે   સોસાયટીમાં રમી રહ્યો હતો. પિતાની છત્રછયા ગુમાવેલ આ બાળક સોસાયટીમાં હતો તે સમયે છોટા હાથીનો ચાલક સોસાયટીમાં પાણી આપવા આવ્યો હતો. બાદમાં છકડાના ચાલકે અચાનક પોતાનું વાહન રિવર્સમાં લેતા ત્યાં રમી રહેલા લકીને હડફેટમાં લીધો હતો. આ બનાવમાં ગંભીર રીતે ઘાયલ થયેલ આ બાળકને સારવાર અર્થે હોસ્પિટલ લઈ જવામાં આવતા ફરજ પરના તબીબે તેને મૃત જાહેર કર્યો હતો. પોલીસે આ બનાવ સંદર્ભે છકડા ચાલક વિરુદ્ધ ગુનો નોંધી આગળની વધુ તપાસ આદરી છે.