મુંદ્રાના ધ્રબ ગામે સરકારી જમીનમાં થયેલ ગેરકાયદેસર દબાણ – બાંધકામ તોડી સરકારી જમીન ખુલ્લી કરાઈ

મુંદરા મહેસુલી તંત્ર ધ્વારા આજરોજ તા.૨૨/૦૪/૨૦૨૫ ના રોજ સરકારી જમીન પરના અનધિકૃત દબાણ હટાવવાની કામગીરી ઝુંબેશરૂપે કામગીરી હાથ ધરવામાં આવેલ.તાલુકાના ઘબ ગામે સરકારી સ.નં. ૧૬૯/ પૈકી ની જમીનમાં થયેલ ગેરકાયદેસર રીતે દબાણ કરીને હોટલ, ઓરડીઓ, ભંગારના વાડા તથા દુકાનો બનાવવામાં આવેલ હતી. સરકારી જમીન પર કરવામાં આવેલ ગેરકાયદેસર દબાણ તથા બાંધકામ દૂર કરવામાં આવેલ. આ કામગીરી અંતર્ગત શ્રી કે.એસ.ગોદિયા મામલતદારશ્રી,મુંદરાના ધ્વારા દબાણકર્તા શખ્સોને દબાણ હટાવવા નોટીસ આપવામાં આવેલ. જે ગેરકાયદેસર કોમર્શીયલ દબાણ -બાંધકામને આજરોજ ૧૧:૩૦ કલાકે જિલ્લા કલેકટરશ્રી, કચ્છ-ભુજના માર્ગદર્શન તથા પ્રાંત અધિકારીશ્રી, મુંદરાના સુપરવિઝન હેઠળ મામલતદારશ્રી,મુંદરા, સર્કલ ઓફીસરશ્રી,મુંદરા તથા નાયબ મામલતદારશ્રી, (દબાણ) ,મુંદરા પી.જી.વી.સી.એલ. ટીમ તથા પોલીસ વિભાગના અધિકારીશ્રી/કર્મચારીની હાજરીમાં નીચે મુજબની સરકારી જમીન દબાણ મુકત તથા ખુલ્લી કરવામાં આવેલ છે.

સરકારી જમીન પર કરવામાં આવેલ કુલ-૭૪ દબાણો દૂર કરી, અંદાજિત કુલ ૩૭૮૨ ચો.મી. જમીન જેની અંદાજે કિંમત જંત્રી મુજબ રૂ.૨,૪૯,૬૧,૨૦૦/- (અંકે બે કરોડ ઓગણ પચાસ લાખ એકસઢ હજાર બસો પુરા) ની કિંમતી સરકારી જમીન દબાણ મુકત કરાવવામાં આવેલ છે તેવુ પ્રાંત અધિકારીશ્રી,મુંદરા -(કચ્છ)ની યાદીમાં જણાવવામાં આવ્યુ.