મુસ્લિમ મહિલાઓએ સેલ્ફ ડિફેન્સ શીખવાની પહેલ કરી

અમદાવાદના જુહાપુરા વિસ્તારની મુસ્લિમ મહિલાઓએ પહેલી વાર સ્વરક્ષણ, વ્યક્તિગત સુરક્ષા, બાળ શોષણ અને મુસ્લિમ છોકરીઓ માટે હેલ્પલાઇન અને મહિલા જાગૃતિ માટે આયોજન કરવામાં આવ્યું હતું. જેમાં મહિલા પોલીસે પણ ભાગ લીધો હતો અને મહિલા હેલ્પલાઇન સેવા વિશે માહિતી આપી હતી. આ અંગે મુસ્લિમ વેલ્ફેર એસોસિએશનના ગુજરાત પ્રમુખ યાસ્મીન વોરાએ જણાવ્યું હતું કે, મુસ્લિમ મહિલાઓમાં શિક્ષણ ઓછું છે અને જાગૃતિ ઓછી છે. આ અંગે જાગૃતિ લાવવા માટે એક કાર્યક્રમનું આયોજન કર્યું હતું. જેમાં અમે મુસ્લિમ મહિલાઓને સ્વ-રક્ષણ તકનીકો શીખવી હતી. અને તેમને શિક્ષણમાં કેવી રીતે પ્રગતિ કરી શકાય તે અંગે માર્ગદર્શિકા પણ આપી હતી. આ સાથે, જો તેમની સાથે કોઈ ઘટના બને તો, મહિલા હેલ્પલાઇન નંબર પણ આપવામાં આવ્યો હતો, જેનો ઉપયોગ તેઓ પોલીસની મદદ લેવા માટે કરી શકે છે. આ કાર્યક્રમમાં વાસણા પોલીસ સ્ટેશનની શી ટીમ પણ હાજર હતી.