આદિપુરમાંથી ધાણીપાસા વડે રૂપિયાની હારજીતનો જુગાર રમતા બે શખ્સોની થઈ ધરપકડ
copy image
સૂત્રો જણાવી રહ્યા છે આદિપુરમાંથી ધાણીપાસા વડે રૂપિયાની હારજીતનો જુગાર રમતા બે શખ્સોને ઝડપી પાડ્યા હતા. આ મામલે વધુમાં પ્રાપ્ત થતી વિગતો મુજબ આદિપુરમાં મદનસિંહ ચોક નજીક સોનલ ડેરીની નજીક દુકાનના ઓટલા પર બે શખ્સો બેસીને ધાણીપાસા ફેંકી રહ્યા હતા. તે દરમ્યાન અચાનક ત્રાટકેલી પોલીસે બંને ઈશમોને રૂા. 11,590 ની રોકડ સાથે ઝડપી પાડ્યા પોલીસે પકડાયેલ ખેલીઓ પાસેથી તમામ મુદ્દામાલ કબ્જે કરી તેમના વિરુદ્ધ જુગાર ધારાની કલમો હેઠળ ગુનો નોંધી આગળની વધુ તપાસ આરંભી છે.
