ભુજમાં ધાણીપાસા વડે જુગાર રમતા છ ખેલીઓને પોલીસે દબોચ્યા
copy image
ભુજમાં ધાણીપાસા વડે જુગાર રમતા છ ખેલીઓને પોલીસે ઝડપી લીધા હતા. આ બનાવ અંગે સુત્રોમાંથી મળતી વિગતો મુજબ પોલીસને ખાનગી રાહે બાતમી હકીકત મળેલ કે ચાકીવાડી મસ્જિદ બહાર આવેલા ચોકમાં અમુક શખ્સો ધાણીપાસા વડે જુગાર રમી રહ્યા છે. મળેલ બાતમીના આધારે પોલીસે હકીકત વાળા સ્થળ પર રેડ પાડી હતી. રેડ દરમ્યાન તે જગ્યાએ છ ઇસમો જુગાર રમી રહ્યા હતા. પોલીસે તમામને પકડી પાડી તેમની પાસેથી રોકડ રકમ 10,350 કબ્જે કરવામાં આવ્યા હતા. પોલીસે તમામ મુદ્દામાલ કબ્જે કરી આરોપી ઇસમો વિરુધ જુગાર ધારા તળે ગુનો દાખલ કાયદેસરની કાર્યવાહી આદરી છે.
