રાજ્યમાં ગરમીનો પ્રકોપ યથાવત : આગામી 4 જૂન સુધી રાજ્યના 15થી વધુ જિલ્લામાં ગાજવીજ સાથે હળવાથી મધ્યમ વરસાદની આગાહી

વર્તમાન દિવસોમાં રાજ્યમાં ગરમીનો પ્રકોપ દિન પ્રતિ દિન વધી રહ્યો છે, ત્યારે હવામાન વિભાગ દ્વારા આગામી 4 જૂન સુધી રાજ્યના 15થી વધુ જિલ્લામાં ગાજવીજ સાથે હળવાથી મધ્યમ વરસાદની આગાહી જાહેર કરાઈ છે. આ મામલે વર્તુળોમાંથી પ્રાપ્ત થતી વિગતો મુજબ  ગુજરાત રાજ્યમાં 28 મેના સવારથી 24 કલાક સુધીના સમયગાળા દરમ્યાન કુલ 89 તાલુકામાં વરસાદ વરસ્યો છે. ત્યારે આગામી 6 દિવસ દરમિયાન રાજ્યમાં ઉત્તર ગુજરાત, સૌરાષ્ટ્ર અને દક્ષિણ ગુજરાતના જિલ્લામાં વરસાદની આગાહી કરવામાં આવી છે.