સુરતમાં પોલીસ લખેલ બેકાબુ કારે ત્રણ બાઈક અને શાકભાજી વેચનારને અડફેટે લઈ ફિલ્મી દ્રશ્યો ઊભા કર્યા : સદ્દભાગ્યે કોઈ જાનહાનિ નહીં

સુરતમાં બેકાબુ કારે એક ગાડી, ત્રણ બાઈક અને શાકભાજી વેચનારને અડફેટે લઈ ફિલ્મી દ્રશ્યો જેવા હાલત ઊભા કરી દેતાં તમામના જીવ તાળવે ચોંટયા હતા. સદભાગ્યે આ બનાવમાં કોઈ જાનહાનિ થઈ નથી. આ મામલે વધુમાં સૂત્રો જણાવી રહ્યા છે, માંડવી-ઝંખવાવ માર્ગ પર માલધા ફાટા નજીક આ અકસ્માત સર્જાયો હતો. અહી બેકાબુ કારે એક ગાડી, ત્રણ બાઈક અને શાકભાજી વેચનારને અડફેટે લીધા હતા. સદભાગ્યે આ બનાવમાં કોઈ જાનાહાની થઈ ન હતી પરંતુ બે લોકો ઘાયલ થયા હતા. આ બનાવમાં કારના ડેસ્કબોર્ડ પર પોલીસ લખેલું બોર્ડ મળી આવતા પોલીસે તપાસનો ધમધમાટ શરૂ કરી દીધો છે. કારચાલક એસઆરપી જવાન હોવાનું લોકોમાં ચર્ચાઈ રહ્યું  છે. સાથે જ કારની અંદર દારુની બોટલ અને બિયરના ટીન જોવા મળતાં ચાલક નશામાં હોવાની પણ સંભાવના વ્યક્ત કરાઈ રહી છે. અકસ્માત સર્જ્યા બાદ ચાલક નાસી છૂટ્યો હતો.