સામખિયાળીમાંથી ગુમ થયેલ 66 વર્ષીય વૃદ્ધની  લાશ મળી આવતા ચકચાર

ભચાઉ ખાતે આવેલ સામખિયાળીમાંથી અગાઉ ગુમ થયેલ 66 વર્ષીય વૃદ્ધની  લાશ મળી આવતા ભારે ચકચાર મચી જવા પામી હતી. આ બનાવ અંગે વધુમાં પ્રાપ્ત થતી વિગતો મુજબ સામખિયાળીના અબડાવાસ રામમંદિર નજીક રહેતા ખીમગર ગુસાઇ  નામના વૃદ્ધ અમુક દિવસો પૂર્વે  પોતાના ઘરેથી નીકળી ગયેલ હતા. અને પરત ઘરે ન આવતા તેમના પરીવાર વાળાઓએ તેમની શોધ ખોળ કરી હતી. ત્યારે  જતેશ્વર સીમ વિસ્તાર ગેલન્ટ કંપનીની નજીક લાશ મળી હોવાના અહેવાલ મળતા તપાસ કરતાં તે લાશ આ ગુમ થયેલ વૃદ્ધની હોવાનું સામે આવ્યું હતું. આ બનાવ અંગે પોલીસે નોંધ કરી આગળની વધુ તપાસ આરંભી છે.