અદાણી ફાઉન્ડેશન દ્વારા મુન્દ્રા તાલુકાની ૧૭ શાળામાં ઉત્થાન પ્રોજેક્ટ હેઠળ ૨૫૦૦ બાળકોને અપાયો ગુરુનો સંદેશ

મુન્દ્રા તાલુકાના અદાણી ફાઉન્ડેશન દ્વારા તાલુકાની ૧૭ પ્રાથમિક શાળાઓમાં ચાલતા ઉત્થાન પ્રોજેક્ટ હેઠળ ગુરુપૂર્ણિમાની ઉજવણી કરવામાં આવી હતી. જેમાં ગુરુ શિષ્યની ૯ મહત્વપૂર્ણ જોડી વિષે ઉત્થાન શિક્ષકો દ્વારા શાળાઓમાં મહત્વપૂર્ણ જાણકારી આપવામાં આવી હતી.જેમાં ગુરુ શિષ્યની જોડી દ્વારા આપણી સંસ્કૃતિ અને ધર્મને ટકાવી રાખવામાં ગુરુઓએ જે મહત્વપૂર્ણ યોગદાન આપ્યું છે. એ બાબતને ઉજાગર કરવામાં આવી હતી. આ જગવિખ્યાત જોડીમાં ધૌમ્ય-અરુણી, ચાણક્ય- ચંદ્રગુપ્ત, સ્વામી હરિદાસ- તાનસેન, સમર્થ હરિદાસ- શિવાજી મહારાજ, ગોપાલકૃષ્ણ ગોખલે- મહાત્મા ગાંધી, રામકૃષ્ણ પરમહંસ- સ્વામી વિવેકાનંદ, જી.એચ.હાર્ડી- શ્રી નિવાસ રામાનુજ, રમાકાંત આચરેકર- સચિન તેંદુલકર, શ્રી નિવાસ કાલે- શંકર મહાદેવનનો સમાવેશ થાય છે. આ પ્રકારે ૧૭ ઉત્થાન સહાયક વડે મુન્દ્રા તાલુકાની ૧૭ શાળાઓના ૨૫૦૦ જેટલા બાળકો સુધી ગુરુની મહિમા અભિમુખ કરવામાં આવી હતી. આ ઉપરાંત શાળાઓમાં ગુરુ મહિમા ઉપર વક્તવ્ય તેમજ વિધાર્થીઓએ પોતાના શિક્ષકો માટે થેંક્યું કાર્ડ બનાવી કૃતજ્ઞતા દર્શાવી હતી.