ભુજ તરસ્યું તડકે, માધાપર બાયપાસ પાસે નર્મદા પાઇપ ફાટતાં પાણીનો ધોધ, લોકોમાં આક્રોશ
કાળજાળ ગરમીમાં ભુજ વાસીઓ આઠ દિવસથી પાણી વિના તરસી રહ્યા છે. ત્યારે ભુજના માધાપર બાયપાસ માર્ગે આવેલી શાન-એ-પંજાબ હોટલ નજીક નર્મદા પાણીની પાઇપલાઇનમાં ભંગાણ સર્જાયું છે. જેના કારણે કિંમતી પાણીનો મોટા પ્રમાણમાં વેડફાટ થઈ રહ્યો છે.
એક તરફ લોકો ટીપે ટીપે પાણી માટે વલખા મારી રહ્યા છે, બીજી તરફ પાઇપલાઇન ભંગાણથી હજારો લીટર પાણી રસ્તા પર વહી રહ્યું છે. તંત્રની બેદરકારીના કારણે લોકોમાં ભારે રોષ ફેલાયો છે.
સ્થાનિકોએ માંગ કરી છે કે તંત્ર તાત્કાલિક પાઇપલાઇન રિપેર કરે અને પાણીનો બગાડ અટકાવે જેથી ભુજના લોકોને રાહત મળે.
