ગાંધીધામમાં રેલવેકર્મી યુવાને ફાંસો ખાઇ જીવન ટૂંકાવ્યું

ગાંધીધામમાં 36 વર્ષીય રેલવે કર્મચારીએ ગળેફાંસો ખાઇ પોતાનું જીવન ટૂંકાવી લીધું હતું. સૂત્રો માંથી મળતી માહિતી મુજબ ગાંધીધામના ભારતનગર નજીક વોર્ડ 11-બી સોનલનગરમાં રહેતા અને રેલવેમાં લોકોપાઈલોટની ફરજ બજાવતા રાજસ્થાની મૂળનાએ કોઈ અગમ્ય કારણોસાર અંતિમ પગલું ભરી લીધું હતું. આ યુવાન એકલો રહેતો હતો. ક્યારેક તેના પરિવારને અહીં લઇ આવતો હતો. ગત તા. 26/7ના રાત્રે તે રૂમ ઉપર હતો. દરમ્યાન તેણે અગમ્ય કારણોસર ગળેફાંસો ખાઇ છેલ્લા શ્વાસ લીધા હતા.