મુન્દ્રા,તા.૨૦: મુન્દ્રાના બારોઇ રોડ ખાતેના પારસનગર મધ્યે આવેલ નૂતન સ્વામિનારાયણ મંદિરે સત્સંગ સભાનું આયોજન કરવામાં આવેલ જેમાં ભુજથી ખાસ પધારેલ શાસ્ત્રી શ્રી કૃષ્ણસ્વરૂપદાસજી સ્વામીએ પોતાની મધુરવાણીથી મોટી સંખ્યામાં ઉપસ્થિત હરિભક્તોને જ્ઞાનનું રસપાન કરાવ્યું હતું. આ પ્રસંગે શા. સુખનંદનદાસજી સ્વામી તેમજ આદિક સંતો પણ સાથે પધારેલ હતા. સભા બાદ હિતેશ નરભેરામ ઠકકરના યજમાનપદે મહાઆરતી યોજાઈ હતી. ત્યારબાદ નરનારાયણદેવ યુવક મંડળ તથા દુષ્યંતભાઈ જોયાના સહયોગથી મહાપ્રસાદનું અયોજન કરવામાં આવેલ. મંદિરમાં છેલ્લા એક માસથી ચાલતા ભવ્ય હિંડોળા, હિમાલય તથા છપૈયા દર્શનની સંગીતમય ઓરકેસ્ટ્રાના સથવારે સંતો, હરિભક્તો, યજમાનો, દર્શનાર્થીઓની ઉપસ્થિતિ વચ્ચે રાસોત્સવ (ઠાકર થાળી) સાથે પૂર્ણાહુતિ કરવામાં આવી હતી. કાર્યક્રમની સંપુણ વ્યવસ્થા મંદિરના પ્રમુખ જયેશભાઇ વાઘજીયાણી, હિતેશ ઠકકર, કીર્તિભાઈ પરમાર, કાંતિભાઈ વરસાણી, અશિષભાઈ સોરઠીયા તથા મુન્દ્રા નરનારાયણદેવ યુવક મંડળે સંભાળી હતી.
