નાની વિરાણી ગામ પાસે ત્રેવડો અકસ્માત સર્જાયો.

માંડવી તાલુકામાં આવેલ નાની વિરાણી (ગઢ) ગામ પાસેના 3 રસ્તા ખાતે 2 કાર અને ટ્રક વચ્ચે ત્રેવડો અકસ્માત સર્જાયો હતો. જેમાં 1 કારમાં સવાર ત્રણેક જણ જખ્મી થયા હતા. ગત શનિવારે સવારે આ અકસ્માત સર્જાયો હતો. જેમાં સફેદ કલરની ઇસુઝી ગાડી મારૂતિ સુઝુકી ઝેન સાથે પાછળથી અથડાતાં ઝેન ગાડી આગળ જતી ટ્રકમાં પાછળથી ઘૂસી ગઇ હતી. આ ઘટનામાં ઝેનમાં સવાર મૂળ ભેરૈયાના અને હાલે ગઢશીશા રહેતા કન્સ્ટ્રકશનના વ્યવસાયી જયેશ કલ્યાણજી રામાણી (પટેલ) ઉ.વ.28 અને તેમની સાથેના બે જણને ઇજા થઇ હતી. ઇજાગ્રસ્ત જયેશભાઇએ ઇસુઝુના ચાલક સામે ફરિયાદ નોંધવી હતી. ગઢશીશા પોલીસે તપાસ હાથ ધરી છે.

-મળતી માહિતી