ચોરીના ત્રણ ગુનામાં નાસતો ફરતો શખ્સ અંજારમાં ચાની ચુસ્કી લેતો ઝડપાયો.

 અંજારની સ્થાનિક પોલીસે એક વાહન ચોરીનો સમસ્યા ઉકેલી લઈ એક શખ્સની ધરપકડ કરી હતી.તેમજ 1 વર્ષ અગાઉના ચોરીના 3 ગુન્હામાં નાસતા ફરતા એક શખ્શને પણ દબોચી લીધો હતો.અંજારના હેમલાઈ ફળીયા વિસ્તારમાંથી રફીકશા અલીશા સૈયદ નામના શખ્શની ધરપકડ કરવામાં આવી હતી.આ શખ્શ પાસેથી 1 રોયલ ઈન્ફીલ્ડ બુલેટ તથા 1 એકટીવા જપ્ત કરવામાં આવી હતી. 1 વાહનની તેણે અંજારમાંથી જ ચોરી કરી હોવાની કબૂલાત પોલીસ સમક્ષ આપી હતી.તેની પાસેથી રૂ. 1,20,000ના આ વાહનો હસ્તગત કરી. આગળની કાર્યવાહી હાથ ધરવામાં આવી છે. વર્ષ 2019માં ઘરફોડ ચોરીના 3 ગુન્હાઓમાં એક વર્ષથી નાસતા ફરતા એક શખ્શની અંતે ધરપકડ કરવામાં આવી હતી.વેલસ્પન કોલોની પાસે રહેનારો કિશન રામજી કુંવરિયા(દેવીપૂજક) નામનો શખ્શ છેલ્લા 1 વર્ષથી પોલીસની પકડમાં આવતો જ ન હતો. આ શખ્શ દેવળિયા નાકા વિસ્તારમાં ચાની ચુસ્કી લઈ રહ્યો હતો ત્યારે તેને પકડી લીધો હતો.

-મળતી માહિતી