માતાએ ઠપકો આપતાં પુત્રએ ગળેફાંસો ખાઇ આત્મહત્યા કરી લીધી

બગસરામા રહેતો એક યુવક રાત્રે મોડે સુધી બજારમા ફરતો હોય અને સવારે મોડો ઉઠતો હોય ત્યારે માતાએ ઠપકો આપતા પુત્રએ ગળાફાંસો ખાઇ આત્મહત્યા કરી લીધી. યુવકના આત્મહત્યાની આ ઘટના બગસરામા બની. પોલીસ સુત્રોમાથી જાણવા મળતી વિગત પ્રમાણે અહી રહેતા કેવલભાઇ રાજુભાઇ લીંબડીયા નામના યુવકે પોતાના ઘરે રૂમમા પંખા સાથે સાડી બાંધી ગળાફાંસો ખાઇ અંતિમ શ્વાસ લીધા હતા.

        આ બનાવ અંગે મૃતક યુવકના ભાઇ જતીનભાઇ લીંબડીયાએ પોલીસને જણાવ્યું હતુ કે કેવલ રાત્રે મોડે સુધી બજારમા બેસતો હતો અને સવારે મોડો ઉઠતો હતો જેથી માતાએ ઠપકો આપતા તેણે આ પગલુ ભરી જીવન ટૂંકાવી લીધુ. બનાવની વધુ તપાસ હેડ કોન્સ્ટેબલ ડી.ઇ.ગાહા ચલાવી રહ્યાં છે. આમ, નજીવી બાબતે યુવકે ગળેફાંસો ખાઇ લેતા શહેરભરમાં ચર્ચા જાગી હતી.