ભુજમાં ચાલતા મટન માર્કેટ ને હટાવવા ભુજ રહેવાસીઓ દ્વારા કલેક્ટર શ્રી તેમજ નગરપાલિકામાં કરાઈ રજૂઆત.

જાણવા મળતી વિગત અનુસાર ભુજ શહેરમાં આવેલ ભીડ વિસ્તારમાં જે મટન માર્કેટ આવેલ છે તેમાં ગેરકાઇદે પરવાના વગર સ્થાનિકે જ ઘરમાં,દુકાનમા વેપારીઓ દ્વારા પશુ – પક્ષીને  કતલ કરવાની રાવના પગલે ભુજ નગરપાલિકા દ્વારા ૪૦ જેટલા વેપારીઓને નોટિસ ફટકારવામાં આવી છે. આ અંગે ચીફ ઓફિસર સંદીપસિંહ ઝાલા જણાવે છે કે લોકોની ફરિયાદના પગલે આ પગલાં લેવાયા છે. તેથી જો આવી કોઈ પ્રવુતી થતી હોય, તો બંધ કરાવવા નોટિસ અપાઈ છે. તથા ધાર્મિક લાગણી પણ આ રીતે દુભાતી હોવાથી અમારા દ્વારા નિયમોનો ભંગ કરનારાઓની દુકાનો પોલીસ બંદોબસ્ત સાથે સીલ કરી દેવાશે.