મુંદરા તાલુકાના ધ્રબ ખાતે ટ્રેઇલરની હડફેટે આવતાં મુન્દ્રાનો બાઇક ચાલકને ઇજા

મુંદરા તાલુકાના ધ્રબ ગામે ટ્રેઇલરની હડફેટે આવી જવાથી મુંદરાના બાઇકના ચાલક યુવાન કિશન મહેશભાઇ ઝાલા(ઉ.વ.20)ને અસ્થિભંગ સહિતની ઇજાઓ પહોચી હતી. સૂત્રો દ્વારા મળતી માહિતી મુજબ ગતરાત્રે આ અકસ્માત થયો હતો. ડાબા પગમાં ફેકચર સહિતની ઇજા પામેલા કિશને ટ્રેઇલરના ચાલક સામે ફરિયાદ નોંધાવી હતી. મુંદરા પોલીસે ગુનો નોંધી આગળની તજવીજ હાથ ધરી છે.