નર્મદામાં છેતરપિંડી આચરી ભાગી ગયેલો શખ્સ બેંગલુરૂથી પકડાયો
રાજપીપળા પો.સ્ટે.વિસ્તારમાંથી છેતરપીંડી આચરી નાસી ગયેલા ઈસમને બેંગલુરૂ માંથી પકડી પાડવા માટે પ્રશાંત સૂંબે, પોલીસ અધિક્ષક, નર્મદાનાઓએ આદેશ કર્યો હતો. ત્યારે જીલ્લામાં બનતા ગુનાઓમાં ઝદ્પ્વાના બાકી આરોપીઓને પકડી પાડી જેલ હવાલે કરવાની સુચના અને માર્ગદર્શન આપતા જે.બી. ખાંભલા, પોલીસ ઇન્સ્પેક્ટર એલ.સી.બી.નાઓ રાજપીપળાનાં ગુનાનો વિનેશ નાયર રહે. સુર્ય પ્લાઝા કોમ્પલેક્ષ, સંતોષ ચાર રસ્તા, રાજપીપળા બી.એસ.એન.એલ. દ્વારા ઇન્ટરનેટ કનેક્શન આપવા માટે ઓથોરાઇઝ કર્યું હતું. પરંતુ આ શખ્સ ઇન્ટરનેટ આપવાના બહાના હેઠળ લોકો પાસેથી એડવાન્સ રૂપિયા લઇને ઇન્ટરનેટ આપતો હતો નહિ અને છેતરપીંડી કરતો હતો.
આ દરમિયાન શ્રી નર્મદા કોલેજ ઓફ એજ્યુકેશન માંગરોલ તેમજ બોરીયા આદિવાસી શાળા ચલાવનાર સંચાલક પાસેથી તેણે ઇન્ટરનેટ આપવાના બહાને કુલ રૂ. 48 હજાર 156 રૂ. લીધા હતા. ત્યાર પછી રૂપિયા લઇ ભાગી જઇ છેતરપીંડી આચરી હતી. જે માટે આ સંચાલકે ફરીયાદ નોંધાવતાં આ ઈસમની ટેક્નીકલ તથા અંગત બાતમીદારથી માહીતી મેળવી હતી.
કર્ણાટક રાજ્યના બેંગલુરૂ મધ્યે હોવાની ચોકક્સ બાતમી આધારે જે.બી. ખાંભલા, પો.ઇન્સ. એલ.સી.બી.નાઓએ રાજપીપળા પો.સ્ટે.ના પો.સ.ઇ. જે.એ. લટા તેમજ એલ.સી.બી. શાખાના એ.એસ.આઇ. ભંગાભાઇ ગોવિંદભાઇ તથા લો.ર. અનિલ હરજીભાઇને કર્ણાટક રાજ્યના બેંગલુરૂ મધ્યે મોકલી વિનેશ નાયરને કર્ણાટક રાજ્યના બેંગલુરૂ મધ્યે પકડી પાડી ગુનાના કામે રાજપીપળા પો.સ્ટે.માં સોંપવામાં આવ્યો છે.
