SOG એ પ્રાંતિજના ઓરણ ગામ પાસેથી ફૂલ્લીદાર બંદુક સાથે એક ઇસમને ઝડપી પાડ્યો

વિધાનસભાની ચુંટણીને લઈને પેટ્રોલિંગ દરમિયાન SOGને મળેલી બાતમીના આધારે ફૂલ્લીદાર બંદુક સાથે ઈસમને પકડી પાડ્યો હતો. તેના સામે પ્રાંતિજ પોલીસ સ્ટેશનમાં આર્મ્સ એક્ટ હેઠળ ગુનો દાખલ કરી વધુ તપાસ હાથ ધરી હતી.

મળતી માહિતી અનુસાર વિધાનસભાને લઈને જિલ્લા પોલીસ વડા વિશાલ વાઘેલાના સુચના હેઠળ SOG PI એન.એન.રબારીના માર્ગદર્શન હેઠળ SOG PSI કે.વી.ખાંટ, સ્ટાફના ભાવેશકુમાર ,કિરીટસિંહ રજનીકાંતસિંહ, અપેન્દ્રસિંહ, નિકુંજકુમાર, રોહિતકુમાર તથા દશરથકુમાર પ્રાંતિજ પોલીસ સ્ટેશન વિસ્તારમાં પેટ્રોલિંગ કરી રહ્યા હતા હતા તે સમય દરમિયાન મળેલ બાતમી આધારે પંચો સાથે ઓરણ ગામની સીમમાં નદી નજીક પહોચી ગયા હતા. જ્યાં મહેસાણાના વિજાપુરમાં રેલ્વે ફાટક પાસે રહેતા કજુરીયા સિંધી(ડફેર) મળી આવેલા, તો તેની પૂછપરછ પછી તેના પાસેથી દેશી બનાવટની ફૂલ્લીદાર બંદુક કીંમત.રૂ.5000 હજારના મુદ્દામાલ મળી આવ્યો હતો. જેને લઈને પ્રાંતિજ પોલીસ સ્ટેશનમાં આર્મ્સ એક્ટ હેઠળ ગુનો દાખલ કરાવ્યો હતો.