વિધાનસભા ચૂંટણીમાં રોકાયેલા સરકારી વાહનોમાં GPS સિસ્ટમ લગાવાઈ
વિધાનસભા ચૂંટણીમાં આદર્શ આચારસંહિતાની અમલવારી માટે તંત્ર દ્વારા તનતોડ પ્રયત્નો કરાઇ રહ્યા છે ત્યારે હાલમાં ચૂંટણી ફરજમાં રોકાયેલા સરકારી વાહનોમાં જીપીએસ ટ્રેક સિસ્ટમ લગાવી દેવામાં આવી છે.જેના મારફતે મોનીટરીંગ કરાઈ રહ્યું છે. સૂત્રોના જણાવ્યા મુજબ,છ વિધાનસભાની ચૂંટણી પર નાણાંકિય,ચૂંટણીલક્ષી સાહિત્યની મંજૂરી વગર હેરફેર અટકાવવા સહિતના કારણોસર ચેકપોસ્ટ શરૂ કરવા સાથે સ્ટેટેસ્ટીકસ સર્વેલન્સ અને ફ્લાઈંગ સ્કવોર્ડની ટીમો બનાવાઈ છે.જે ટીમોના દરેક વાહનોમાં જીપીએસ લગાવવામાં આવ્યા છે.
જેથી વાહન કયા જાય છે તેની ગતિવિધિ પર સીધી કલેકટર કચેરી દ્વારા નજર રખાય છે.તેમજ મતદાનના દિવસે ઇવીએમ ડિસ્પેચની કામગીરીમાં તંત્ર દ્વારા 192 રૂટ નક્કી કરાયા છે.જેના ઝોનલ ઓફિસરના વાહનોમાં પણ જીપીએસ લાગશે.જેથી ઇવીએમ કે વીવીપેટ ખોટવાઇ જાય તેવા કિસ્સામાં તંત્ર વૈકલ્પિક વ્યવસ્થા કરી શકે.ચૂંટણીની કામગીરી માટે દરેક સરકારી વાહનો રિઝર્વ રખાયા છે ત્યારે અત્યારસુધી સર્વેલન્સ ટીમો,ફ્લાઈંગ સ્કવોર્ડ અને ઇવીએમ ડિસ્પેચ માટેના બંધ બોડીના કન્ટેઇનરના વાહનો મળી અંદાજીત 60 જેટલા વાહનોમાં જીપીએસ સિસ્ટમ એજન્સી મારફતે લગાવવામાં આવી હોવાનું સૂત્રોએ જણાવ્યુ હતું.
