રાજપારડીના માધવપુરા નજીક ટ્રકની ઓવરટ્રેક કરવા જતી કાર ભેખડ સાથે અથડાતા કાર ચાલકનું મોત

રાજપારડીના માધવપુરા નજીક હાઈવા ટ્રકની ઓવરટ્રેક કરવા જતી કાર સ્ટેયરીંગ ઉપર કાબૂ ગુમાવતા માર્ગની બાજુમાં ભેખડમાં અથડાતા એકસ્માત સર્જાયો હતો. જેમાં કાર ચાલકને ગંભીર ઈજાઓ થતાં તેનું ઘટના સ્થળે જ મૃત્યુ થયું હતું.
ઝઘડિયા તાલુકાના ઉમલ્લા ગામના નવા ફળિયામાં રહેતા શિરીષ કાંતિ પટેલ સાંજના સમયે પોતાની કાર નંબર-જી.જે.16.એ.જે.1763 લઇ ભરૂચ મધ્યે જતાં હતા તે દરમિયાન રાજપારડીના માધવપુરા નજીક હાઈવા ટ્રકની ઓવરટ્રેક કરવા જતા કાર ચાલક શિરીષ પટેલ સ્ટેયરીંગ ઉપર કાબુ ગુમાવી દેતા કાર માર્ગની બાજુમાં ભેખડમાં અથડાઇ ગઈ હતી. આ અકસ્માતમાં ગંભીર રીતે ઈજાઓ થતાં તેઓને તાત્કાલિક સારવાર અર્થે અવિધા સરકારી દવાખાને ખસેડવામાં આવ્યા હતા. જ્યાં હાજર ડોક્ટરે તેઓને મૃત ઘોષિત કર્યા હતા. આઅંગે રાજપારડી પોલીસે ગુનો દાખલ કરી તપાસ હાથ ધરી છે.