અમરેલીના વડેરામાં યુવતી સાથે પ્રેમ સંબંધ બાબતે યુવક પર 7 શખ્સોએ પાઇપ વડે હુમલો કરતાં ફરિયાદ નોંધાઈ

અમરેલી તાલુકાના વડેરામા યુવતી સાથે પ્રેમ સંબંધ બાબતે સાત ઇસમોએ બોલાચાલી કરી યુવકને પાઇપ અને લાકડી જેવા હથિયારથી મારમારી ઇજા કરતાં આ બાબતે અમરેલી તાલુકા પોલીસ મથકમા ફરિયાદ દાખલ કરાવાઈ છે.મુળ દાહોદના અને હાલ વડેરાની સીમમા રહેતા નરસીંગભાઇ વેસ્તાભાઇ ભાભોર (ઉ.વ.23) નામના યુવાને અમરેલી તાલુકા પોલીસ મથકમા નોંધાવેલી ફરિયાદમા જણાવ્યું હતુ કે તેના કાકાના દીકરા સુનીલને અગાઉ મગનભાઇ સંધાડાની દીકરી સાથે પ્રેમસંબંધ હોવાથી આ બાબતે મનદુખ રાખી મગન સંઘાડા, બાબુ, નનુ, બહાદુર, શુકમ, હિતેશ અને યોગેશ નામના ઇસમોએ બોલાચાલી કરી પાઇપ, લાકડી વડે મારમારી ઇજા પહોંચાડી હતી. ઉપરાંત મારી નાખવાની ધમકી આપી હતી.

જયારે બાબુભાઇ બચુભાઇ સંધાડાએ દાખલ કરાવેલ ફરિયાદમા જણાવ્યું હતુ કે તેના ભાઇ બાબુભાઇની દીકરી સાથે સુનીલને પ્રેમસંબંધ હોવાથી પૂર્વે માથાકુટ થયેલ હોય સુનીલ તથા નરસીંગ ઉર્ફે ચતુર, દિનેશ ભાભોર તેમજ બે અજાણ્યા શખ્સોએ લાકડી વડે મારમારી ઇજા પહોંચાડી ધમકી આપી હતી. પોલીસે બંને પક્ષેથી ફરિયાદ દાખલ કરી આગળની કાર્યવાહી હાથ ધરી છે.