ભરૂચમાં પુત્ર સાથે થયેલી તકરારને લઇ માતા પર 6 લોકોએ હુમલો કરતાં ફરિયાદ નોંધાઈ

ભરૂચના ત્રણ કુવા વિસ્તારમાં આવેલી નવી નગરીમાં પુત્ર સાથે થયેલી તકરારને લઇ બે મહિલાઓ સહીત 6 લોકોએ તેની માતાને માર માર્યો જે બાબતે આ લોકો વિરુદ્ધ  પોલીસ ફરિયાદ દાખલ કરાવાઈ છે.

ભરૂચના ત્રણ કુવા વિસ્તારમાં આવેલ નવી નગરીમાં વસંતીબેન મહેશ વસાવા ગતરોજ પોતાના ઘરમાં આવેલી દુકાનમાં બેઠા હતા. તે સેમી દરમિયાન નજીકમાં રહેતા ગણેશ મેલા વસાવા, રોહિત મેલા વસાવા તથા વિકાસ દશરથ વસાવા, વિશાલ દશરથ વસાવા ત્યાં આવી અપશબ્દો ઉચ્ચારી ‘તારો છોકરો ક્યાં છે તેને પતાવી દેવો છે’ તેમ કહી માથાકૂટ કરી. જેનું ઉપરાણું લઇ કાળી મેલા વસાવા, રમીલાબેન વસાવા પણ ત્યાં આવી ગયા હતા અને બધાયે ભેગા મળી મહિલાના વાળ પકડી દીવાલમાં અથડાવી માર માર્યો હતો.ઇજાઓ પહોચતા મહિલાને સારવાર અર્થે ભરૂચની સિવિલ હોસ્પિટલ મધ્યે ખસેડાઇ હતી. આ અંગે બી ડીવીઝન પોલીસે ગુનો દાખલ કરી તપાસ હાથ ધરી છે.